yfirhöndin

2007-01-04T01:12:00.001+01:00

http://www.bergra.blogspot.com/

2006-08-30T21:11:00.000+01:00

Þreyta og rugl og september ekki byrjaður.
Á haustin skal hlusta á ástarlög og taka sólhatt.
Læra kannski smá latínu líka.
En haustið er komið, ég finn það í sólinni.

2006-08-27T17:28:00.000+01:00

Allt sem verður skrifað á þessa síðu í bæði náinni og fjarlægri framtíð gæti verið ég. En það þarf ekki að vera ég.
Það gæti verið eitthvað allt annað ég. Égið sem ég nota til að fela mig fyrir heiminum. Égið sem ég nota til að hvíla mig á mér. Égið sem ég nota til að fara í taugarnar á öðrum. Það geta verið fullt af égum sem eru í raun og veru ekki hið eiginlega ég. Ég veit samt sem áður ekki hvað af mér er hið eiginlega ég svo hvaða ég sem er gæti verið ég.
Niðurstaðan er: Enginn veit hver ég er, ég ekki heldur. Því gæti margt sem hér framvegis birtist (og hefur birst) verið ólíkt mér eða bara ótrulega líkt mér. Því enginn veit.

dondurma

2006-08-17T23:54:00.000+01:00

Nú er ég komin heim, jájájá.
Ég er líka fegin að vera komin heim.
Jájájá.
Ég sit í gamla sófanum mínum uppi í tölvuherbergi umkringd bókum og geisladiskum.
Bráðum byrjar lífið aftur en það er allt í lagi því Ravel er svo góður.
Lífið er svo gott.

Það er bara þetta sem ég vildi segja.
Þessi póstur er líklega hápunktur hugmyndaauðgi minnar.
Þetta er bara það sem ég vildi segja.

potið

2006-08-01T08:09:00.000+01:00

Ég er ekki dáin heldur flýg ég til Marmaris eftir nokkra klukkutíma. Og potið mitt virkar ekki. Ég vaknaði klukkan hálf 7 til þess að laga það. Ég gæti þurft að sleppa ferðinni. Ég þoli ekki svona útlandastress. Næst verð ég bara heima hjá geislaspilaranum mínum.
(marmarismarmarismarmarismarmarismarmarismarmarismarmaris!)

Jóhanna

2006-07-14T20:48:00.000+01:00

Halló
Þetta blogg er tileinkað Jóhönnu kokteilmeistara.
Jóhanna býr til fallegan jarðaberja kokteil með sólhlíf, en þegar kemur að Græna skrímslinu er það gult. Sem er alveg jafn gott, ímynda ég mér.
(Af Bergþóru er það að segja að henni finnst gaman þegar hún hjólar heim úr Orkuveituvinnunni á góðviðrisdegi og tjaldarnir flögra í kringum hjólið. Þá líður henni eins og Mjallhvíti. Nema það voru þrestir. Mér finnst tjaldar skemmtilegri en þrestir. Tjaldar flögra ef til vill ekki.)

vinnan mín

2006-06-23T20:24:00.000+01:00

Ég mætti í vinnunna klukkan 07.59.43 sem er allt of seint því ég á að mæta korter í átta. Við vorum bara þrjú í dag, ég, Ingunn flokkstjórinn minn og Guðmundur sem er venjulega á Nesjavöllum en kom í heimsókn í dag til að hjálpa okkur. Við byrjuðum á hefðbundnu morgunverðarhléi en fórum síðan inn í stöðina og settum stillansinn saman til þess að geta þrifið loftræstirörin. Síðan byrjaði Ingunn að spúla pípurnar niðri við gólfið með slöngu en ég og Gummi fórum upp í stillansinn. Allt í einu heyrðum við hvell og öskur en sáum eld og bakið á Ingunni. Við stukkum af stillansanum og hlupum út á eftir henni. Við stóðum skelkuð úti en létum vita hvað hafði gerst. Ingunn hafði víst sprautað vatni yfir rafmótor. Eins gáfulega og það nú hljómar vissum við ekki að þetta væri rafmótor. Um það bil sex Orkuveitukarlar söfnuðust saman og sögðu okkur að þetta væru í lagi og að svona slys gætu alltaf gerst. Síðan hlógu þeir mikið að okkur og sögðu okkur að fara og fá okkur ís. Aðal málið var víst að Ingunn hefði getað meiðst, ekki að rafmótorinn hefði eyðilagst. Hver setur líka rafmótor á hlið á mitt gólf í dælustöð? Ég bara spyr.
Í hádegishléinu fór ég í sólbað upp á þaki í appelsínugulum pollagalla með hettuna á hausnum. Það var gott og hlýtt því vindurinn var kaldur.

2006-06-13T21:49:00.000+01:00

Hver var eiginlega tilgangurinn með þessum kosningum fyrst að flokknum sem gekk einna verst fær jafn mikið vald og raun ber vitni?

Ekki er öll vitleysan eins.

2006-06-08T18:32:00.001+01:00

Í dag þreif ég mikið af pípum í vinnunni. En það var ekki fyrr en eftir að ég hafði borðað, sofið, borðað aftur, farið út á bensínstöð og fengið mér nammi og farið í Kringluna...á launum.

Mamma stóð úti á svölum áðan og æpti á mig eins og klikkuð kona að koma undir eins. Ég var auðvitað allsnakin inni á baðherbergi og rétt náði að grípa um mig handklæði og fór á því einu saman út á svalir. Þá benti mamma mér á selshöfuð sem rétt glitti í áður en það hvarf alveg ofan í sjóinn. Eftir að selurinn var farinn tók ég eftir nokkrum strákagemlingum sem hlógu að mér. Mér finnst ekki fallegt að hlæja hálfnöktu fólki.

Ekki er öll vitleysan eins.

2006-06-08T18:32:00.000+01:00

Í dag þreif ég mikið af pípum í vinnunni. En það var ekki fyrr en eftir að ég hafði borðað, sofið, borðað aftur, farið út á bensínstöð og fengið mér nammi og farið í Kringluna...á launum.

Mamma stóð út á svölum áðan og æpti á mig eins og klikkuð kona að koma undir eins. Ég var auðvitað allsnakin inni á baðherbergi og rétt náði að grípa um mig handklæði og fór á því einu saman út á svalir. Þá benti mamma mér á selshöfuð sem rétt glitti í áður en það hvarf alveg ofan í sjóinn. Eftir að selurinn var farinn tók ég eftir nokkrum strákagemlingum sem hlógu að mér. Mér finnst ekki fallegt að hlæja hálfnöktu fólki.

Mig langar að sjá þessa mynd aftur.

2006-05-31T18:24:00.000+01:00

2006-05-22T13:44:00.000+01:00

Ég er búin að sofa mikið. Kötturinn sem hefur hrætt úr mér líftóruna á nánast hverju kvöldi í vor er líka hættur að birtast. Hann er hættur að stara inn um gluggann minn og framkalla hljóð sem líkjast frekar andarsliturshljóðum en mjálmi. Ég sé hann samt ennþá á rölti með fram sjónum. Mér líkar ekki vel við þennan kött.

Mahler dagurinn

2006-05-11T23:22:00.000+01:00

Margt hefur gerst síðan ég kláraði grískuprófið.
Til dæmis fór ég í líffræðipróf. Það var hræðilega leiðinlegt. Það var samt leiðinlegra að lesa fyrir það. Djísús. Það var svo leiðinlegt að ég þurfti bara að fara í 12 tóna og kaupa allar sínfóníur Mahlers fyrir matarpeninginn minn. Það var nú gaman. Ég vingaðist líka við klassíska 12 tóna gaurinn sem prangaði inn á mig þessum sínfóníum. Honum veittist það frekar auðvelt, enda greinilega mikill Mahler aðdáandi sjálfur.
Í dag tók mér pásu frá frönskulærdómnum á Bókhlöðunni (og 6. sinfóníu Mahlers því ég var búin að hlusta á hana allan daginn) og rölti niður í Háskólabíó. Þegar ég kom þangað vildi það bara svo til að ég var með miða í veskinu og að þeir voru að fara að spila 6. sinfóníu Mahlers. Magnaðar þessar tilviljanir.Og Mahler líka.

Lýsingarháttur er kúl og nytsamlegur

2006-05-05T19:22:00.000+01:00

Ég er ótrúlega ánægð að grískuprófið er búið. Og söngmatið mitt. Og grískuprófið.
Og ég ætla ekki að læra í kvöld, cause I live on the edge.
Þið megið kalla mig The Edge. Ekki Edge. The Edge.

he also placed far too much emphasis on the juvenile libdio.

2006-04-30T20:24:00.000+01:00

Enska er ekki alslæm.
Leskaflarnir eru skemmtilegri núna en þeir voru fyrir jól.
Kannski af því það er bjartara.
Mér finnst "Dulce et ducorum est pro patria mori" besta enska ljóð vetrarins.
Í fjórða bekk var það "The Rhyme of the Ancient Mariner" þó við hefðum bara lesið hluta af því. Það var ansi magnað.
Jájá, enska er fín.

And I had done an hellish thing,
And it would work 'em woe :
For all averred, I had killed the bird
That made the breeze to blow.
Ah wretch ! said they, the bird to slay,
That made the breeze to blow !

Eitthvað sem hefur nákvæmlega ekkert að gera með íslenska byggingararfleið.

2006-04-25T20:48:00.000+01:00

Það er magnað hve Antiques Roadshow (eða hvað sem það nú heitir) þátturinn á BBC verður áhugaverður þegar maður er veikur. Ég horfði líka á franskan spurningaþátt sem var fullkomlega óskiljanlegur. Þótt ótrúlegt sé var hann ekki óskiljanlegur tungumálslega séð heldur reglulega séð.
Ég hef ekki hlustað á eina únsu af tónlist þessa tvo veikindadaga mína sem verður að kallast met. Jú það er auðvitað tónlist í sjónvarpinu, en það telst ekki með. Ég er í skringilega góðu skapi miðað við að vera nýbúin að fatta hve óhugnlega mikið lesefni er fyrir íslenskuprófið. Svo er ég líka með stíflu sem ekki einu sinni Otrivin dugir á. Otrivin dugir á fíl með horstíflu, en ekki Bergþóru með horstíflu. Jú ég hef reyndar hlustað á systur mína æfa sig á píanóið. En ég réð engu í þeim efnum. Ekki skipaði ég henni að æfa sig á píanóið. Hún er reyndar að spila hið frábæra Golliwog's Cake-Walk eftir Debussy og spilar það nokkuð vel. Skrýtin tilfinning að vera hætt í píanóinu. Hún fer í taugarnar á mér.
Best að fara skrifa samtal á frönsku sem mun fjalla um allt mitt ráðaleysi gagnvart framtíðinni og hvort það eigi að vera skólabúningar í íslenskum grunnskólum.

XXIV. kapítuli -Bergþóra byrjar að njóta lífsins-

2006-04-11T14:51:00.000+01:00

Nokkrir dagar búnir af hinu langþráða páskafríi. Ég hef ákveðið að fá mér ekki páskaegg heldur Salmiakbalk. Mér finnst Salmiakbalk einfaldlega betra en súkkulaðið í páskaeggjum. Kannski fæ ég mér kúlusúkk, Salmiakbalk og appelsín, svona eins og um jólin. Kannski fæ ég mér Cadburrysegg, Salmiakbalk og kók til að prófa eitthvað nýtt. Og ef til vill, en bara ef til vill, fæ ég mér ekki Salmiakbalk heldur Djungevrål. Eða Heksehyl. Ég skal láta ykkur vita hvað verður úr þessu nammibralli.

Deiling.

2006-04-02T21:12:00.000+01:00

Ég gæti ælt á skólabækurnar. Mig langaði bara svona að deila því með ykkur.

Páááskafrí. Páskafrí páskafrí páskafrí.

smá svona dagslýsing

2006-03-30T00:50:00.000+01:00

Pétur Gautur var góður. Hann snerti mig. Mikið.
Það hafði ef til vill einhver áhrif að sitja á fremsta bekk.
Hrynjandin bergmálar í höfðinu á mér og ef ég ætla að tala finnst mér ég þurfa að gera það í bundnu máli. Ég hætti samt að reyna að tala bundið eftir að farið mitt heim dró mig eins og hverja aðra ýsu út úr bílnum.
Þetta var góður dagur. Dagur Péturs Gauts, síró lærdóms og að minnsta kosti þriggja syndsamlegra máltíða. Fimmtudagur verður dagur agans. Kannski.

Gangi þér vel á morgun Gutti! (ég sendi samt sms til öryggis ef þú skyldir ekki sjá þetta fyrir keppnina)

klóróform

2006-03-17T16:17:00.000+01:00

Ég er einn stór þurrkblettur og tilgangur minn er að klóra mér.

Mótmæli og inngangur að rökum fyrir tilveru minni.

2006-03-08T22:11:00.000+01:00

Þessi mótmæli voru nú bara léleg.
Ég fékk ekkert að öskra, varð ekkert spennt og þorði ekki að valda uppþoti.
Ég fékk heldur ekki að kalla "Engin fornmál, engin sál".
Mér finnst að nemendur mættu sína það meira ef þeim er annt um þetta málefni. Flestir eru of kúl og fylgja bara straumnum, standa og gera ekki neitt.

Þetta var nú skemmtilegt. Næst kemur færsla þar sem ég mun færa rök fyrir tilveru minni.

2006-02-28T22:03:00.001+01:00

Aðeins nokkrar stundir í að febrúar klárist,
það er orðið næstum bjart þegar ég á að mæta í annan tíma á morgnanna
og ég er ekki með kvef.
Mér líður eins vel og Heine í París.

2006-02-28T22:03:00.000+01:00

Hvernig skrifa má þegar maður er í fríi.

2006-02-18T17:31:00.000+01:00

Þessi árshátíð var sko mögnuð og fyrirpartýið og maturinn. Þetta vorfrí sko mar bar' æði.
Oso pottapartý á eftir. Djísús.

2006-02-10T00:27:00.000+01:00

Ég skil ennþá ekki hvernig prinsessan komst inn í hörpuna og ég veit heldur ekki hvað mól eru. Öllu öðru náði ég. Held ég.

fiddleedee

2006-02-07T20:43:00.000+01:00

Í morgunsárið dreymdi mig að ég væri í mjög svo einkennilegri messu. Rétt áður en mamma vakti mig byrjaði presturinn, sem var fallegur, góður og blíður ungur maður, að spila á fiðlu. Ég man ekki hvað hann spilaði en ég þekkti það samt sem áður. Þegar ég svo vaknaði var ég með óþrjótandi löngun til að hlusta á fiðlu. Þessi löngun hefur heldur ekkert dvínað þó ég hafi hlustað á öll fiðluverk sem eru inni á poddanum mínum. Mig kitlar í eyrun af fiðlulöngun. Kannski sef ég þetta af mér. Kannski dreymir mig þríhorn í nótt. Það gæti samt verið svolítið óþægilegra.

söngkeppni

2006-01-23T23:56:00.000+01:00

Af því að þetta var svo ótrúlega gaman :D :D

2006-01-22T20:33:00.000+01:00

Sunnudagar eru einkennilegir. Ég er viss um að messur eru hafðar á sunnudögum bara til að koma fólk af stað á morgnanna. Biblían eða Guð eða hvað sem það kallast kemur þessu ekkert við. Í morgun vaknaði ég klukkan tíu og ætlaði að taka til í herberginu mínu. Klukkan eitt stóð ég ennþá á miðju gólfinu að líta í kringum mig. Klukkan þrjú ætlaði ég að læra undir Sonatorrekspróf. Klukkan fimm var ég búin að lesa 13 kafla í Pride and Prejudice og skrifa niður vísu fjögur í Sonatorreki. Síðan sofnaði ég. Síðan fékk ég mér að borða. Ég gæti alveg eins sleppt þessum degi.

Mynd af Ítalíu-Eddu eftir Hödda því þau er bæði svo frábær.

Gledilegt nytt ar ! ! !

2006-01-03T04:51:00.000+01:00

Nyarsheit:
Fara oftar ut ad dansa.

njamm

2005-12-31T11:53:00.000+01:00

Hallo
Thad er allt gott og allir eru anaegdir.
Eg er buin ad hafa thad ansi gott her fyrir utan ef til vill einn og halfan dag. Eg er buin ad fara nokkrum sinnum a strondina og strondin er frabaer. Oldurnar eru frabaerar og thaer adrenalinbad fyrir jafn litt reynda manneskju og mig. Eg er buin ad fara i AQWA eda Underwaterworld og sja hakarla og skjaldbokur og risaskotur og raekjur og fiska og humar og fleira. Eg er lika buin ad fara Cohunu Wildlife Park. Thar helt eg a koalabirni, la vid hlidina a kenguru, var eg naestum drepin af gaesum, sa albinoa pafugl, eignadist dadyrs-vin og marg margt margt fleira. Eg er buin ad spila sma tennis, fa ogedslega aelupest, horfa tvisvar sinnum a Pride and Prejudice BBC thattarodina og einu sinni a biomyndina fra 1940 (thad er buid ad gera mikid grin ad mer), eg er buin ad fara i budir og her er allt yndislega odyrt en ansi thunnt eins og vid ma buast. Vedrid hefur verid mjog milt og thad hefur vist verid ovenjulega kalt, eg er samt anaegd ad thad er ekki 42 stiga hiti eins og i Melbourn. Eg er buin ad spila mikinn bordtennis en thad vinna mig samt alltaf allir.
Ja, og jolin voru god og eg fekk margar frabaerar jolagjafir tho eg hafi saknad mommu og allra heima ansi mikid. Eg hlakka til ad koma heim.

stralia

2005-12-21T16:19:00.000+01:00

Singapur er einkennileg borg sem eg hef ekki hug a ad heimsaekja aftur tvi mig langar thad ekki.
Astralia er god og allir eru voda godir. Vedrid er gott og miklu taeglegra en eg bjost vid en tad a vist ad verda heitara.
Her er allt vodalega afslappad og ekkert jolastress, allavega ekki hja okkur. Eg eyddi ollum deginum i ad lesa bok sem eg keypti a Heathrow flugvelli. Thetta var spennusaga og eg leyfi mer aldrei ad lesa svona spennusogur nema ad eg eigi algjora tomstund. her a eg algjora tomstund og thad er dasamlegt. thad tekur samt sma tima ad komast ut ur thessum "hvad tharf eg ad gera naest" avana.
Eg heimsotti lika ommu i dag og Onnu og Sean og Liam. Thau eiga klikkudustu hunda sem eg hef hitt og vid munum lika eyda jolunum heima hja teim. chilla i sundlauginni og eikkad.
thad er reyndar pinulitid erfitt ad finna jolagjafir handa folki sem eg thekki ekkert serstaklega vel. pabbi er ekki mikil hjalp. hann laetur mig bara hafa pening og felur sig sidan einhversstadar. jaja.
afsakid tennan slitna og asnaleg stil. eg nenni ekki ad paela mikid i textanum tvi thetta lyklabord fer i taugarnar a mer.

2005-12-12T00:50:00.000+01:00

Mér líður ennþá illa yfir að hafa skrifað glötun með tveimur ennum.
Lærir einhver eitthvað af þessum ensku glósum?
Mér finnst enskar glósur leiðinlegri en líffræði, and that's sayin' alot.

2005-12-10T00:29:00.000+01:00

Það er afskaplega óþægilegt að vera með blogg en hafa ekkert að skrifa um. Mig langar til dæmis mjög oft að skrifa færslu um hve góður dagurinn minn var. En þegar ég byrja kemst ég í raun um hve lítið markvert gerðist þennan dag, hann var bara góður. Það er í raun ekki frásagnarvert að í dag var frí í þessum tíma eða hinum og það var gaman. Eða eitthvað eins og: "Í dag brostu allir við mér og ég fékk mér ís." hljómar alveg hundleiðinlega. Samt sem áður var þetta ekki leiðinlegur dagur. Mér leið vel þennan tiltekna dag því að allir brostu við mér og af því að ég fékk mér ís en það er bara nákvæmlega ekkert spennandi.

Ég get varla skrifað um vandamál míns anda sem eru svo smávægileg að varla er hægt að eyða orðum í þau. Ég gæti reynt að blása þau út með því að stuðla þau og skera þau niður í ákveðinn atkvæðafjölda en það væri samt greinilegt að ég væri aðeins lélegt sjálfsvorkunnarskáld.

Og hvers konar hálfviti er ég að sitja hér og röfla þegar klukkan er orðin margt og mér ber að fara í háttinn svo ég geti átt annan yndislegan, góðan og "ólýsanlegan" dag?

ég þoli ekki

2005-12-09T21:20:00.000+01:00

þegar mamma eyðileggur vonda skapið mitt og drepur síðan köngulærnar sem ég var búin að vera að safna undir raka handklæðið inni á baðherbergi.

2005-12-08T18:50:00.000+01:00

breið er gata glötunnar
breið er gata glötunnar
breið er gata glötunnar

ráð til að yfirvinna frestanahneigð

2005-12-06T18:50:00.000+01:00

fjórfalt húrra fyrir mandarínum.

fjórfalt arrúh fyrir mandarínum með óþolandi mörgum steinum.

þrefalt húrra fyrir hornómum.

þrefalt arrúh fyrir hormónum.

sleepum þessu tvöfalda.

sjöfalt húrraarrúh fyrir að aðeins sjö próf eru eftir.

2005-12-03T23:05:00.000+01:00

"sæll er sá, sem er fjarri sælgæti,
eins og hinir fornu feður,
sem dýrkuðu líkama sinn með hollu mataræði,
lausir frá allri sykurlöngun.
hvorki eru vaktir af hjartsláttartruflunum,sem sykurætur
né hræðast þeir ógurleg leikfimipróf,
þeir forðast sjoppur og auglýsinganna
dramblátu þröskulda.
annað hvort sitja þeir heilbrigðir með sjálfum sér
og horfa á heilbrigðan heiminn
eða geyma pressað heilbrigt hunang í krukkum
eða rýja heilbrigðar kindur.
dásamlegt er að liggja ýmist áhyggjulaus undir sólinni,
eða í umlykjandi mannfjöldanum.
blaaa, blablablaaa, blabla
og í léttleika sínum fljúga sem fugl,
að hlaupa hraðar en niður straumsins,
og dreyma vel."

þegar ofátskonan Bergþóra hafði sagt þetta,
alveg á leiðinni að byrja að borða grænmeti í öll mál,
fór hún niður í eldhús og fékk sér salmíakbalk,
kúlusúkk og appelsín.

draumfarir

2005-11-29T00:36:00.000+01:00

Allavega.
Sigur Rósar tónleikarnir voru ólýsanlegir.
Mig dreymdi þá í morgun. Því ég svaf ekkert í nótt.
Mig dreymir oft skýrari en jafnframt óhuggulegri drauma á morgnanna.
Til dæmis dreymdi mig að ákveðinn ónafngreindur kennari í MR væri að kenna niðri í kjallara fyrir utan líffræðistofuna í Álftamýrarskóla, væri óléttur og réði ekki við hægðir sínar.

ræræræ

skyr-andfýla

2005-11-26T18:45:00.000+01:00

Í þessu -GRÍSKA ER SATAN- ástandi mínu langar mig ekkert meira en að komið sé árið 2007 og mánuðurinn sé júní. Að ég sé á flugvellinum á leið til Svíþjóðar þar sem ég muni búa í vellystingum hjá bróður mínum. Þar mundi ég ekki sækja bóklegan skóla heldur tónlistarskóla eftir að hafa þróðað með mér almennilega tónlistarhæfileika á mettíma.

Það kemur víst að þessu nógu fljótt.
Slappensí af.
Suss.

hahahaha

2005-11-23T23:36:00.000+01:00

Áður en ég dey ætla ég að:
Læra að fara með peninga.
Ferðast um Tíbet á hestbaki.
Búa í útlöndum.
Hugsa stórt.
Fara að sjá tvær bíómyndir í röð.
Eignast eiginmann og börn.
Ekki að skilja við manninn minn. (vonivon)

Ég get:
Prumpað betur en nokkur annar með lófunum.
Brutt klaka í kílóatali.
Gert úlfalda úr mýflugu.
"Speisað út" í tíma og ótíma.
Tautað og bullað.
Þagað mjög, mjög lengi.
Orðið mjög, mjög reið.

Ég get ekki:
Munað nokkurn skapaðan hlut.
Tjáð tilfinningar mínar eins og ég vildi.
Leikið.
Lagað potið mitt.
Horft á flesta raunveruleikaþætti.
Lifað án tónlistar.
Haldið herberginu mína hreinu í einn dag.

Hitt kynið hrífur mig með:
Fegurð að innan.
Fegurð að utan.
Kímnigáfu.
Einlægni.
Brosi.
Metnaði
Hlýju.

Ég dái:
Lalla afa.
Bergþóru ömmu.
Óla bróður.
Scriabin og litina hans.
Píanókennarann minn.
Shostakovich.
Mömmu mína.

Ég segi oft:
Jesus Christ.
Jean Louise.
Ha?
Heeeeyy.
apíkneomæ
Ég ætla að...
Oh ég á eftir að...

Akkúrat núna sé ég:
Tyggjóklessu eftir systur mína.
Kaldaljós og Friends á DvD
Ristarnar mínar.
Púða.
Krítarliti.
Bækling frá leikfangaverslun.
Litlu gulu hænuna.

Fjúff.

rokraskarat

2005-11-23T23:03:00.000+01:00

Ég tók strætó heim af kóræfingu í dag og þegar ég kom út úr honum ákvað ég að hlaupa þessa örstuttu vegalengd heim til mín. En þegar ég kom undir Gullinbrúnna kom svo mikil vindhviða á móti mér að ég hentist aftur fyrir mig og beint á bossann. Ég hló svo mikið að ég gat ekki staðið upp. Þegar ég náði loksins að standa aftur upp þurfti ég að synda í gegnum vindinn en komst nánast ekkert áfram. Það var líka alveg ótrúlega fyndið og þegar ég fékk síðan kul í tennurnar af því að ég gat ekki haldið munninum lokuðum hló ég ennþá meira.
Þegar ég kom heim faldi ég mig undir sæng fyrir hugsunum um latínupróf og hlustaði á gleðigjafann.

Duran Duran eiga alveg eins tölvu og moi

2005-11-14T21:21:00.000+01:00

Ég er þakklát fyrir lífið.
Ég er þakklát fyrir mömmu og pabba.
Ég er þakklát fyrir tölvuna mína.
Ég er þakklát fyrir vina mína.
Ég er þakklát fyrir að það kemur bráðum jólafrí.
Ég er þakklát fyrir að mamma er ekki ennþá búin að taka eftir tannkremsfreskunni sem ég prófaði að gera á baðherbergisvegginn. Það eru meira að segja komnar sprungur í hana og allt.

2005-11-13T02:11:00.000+01:00

Aujourd'hui j'ai écouté au Catalogue d'oiseaux og las í Brennunjálu.
Ég slefa af þreytu, samt er ég búin að sofa í eilífð.
Nú er ég heima hjá Kömmu og langar ótrúlega að fara að sofa en nenni ekki að keyra heim.
Líf mitt í hnotskurn.

Bessa

2005-11-09T00:32:00.000+01:00

Ég er hætt að hóta að skipta um skóla og fara í MS.
Þorgerður Katrín kom úr MS.
Oj.
Þá er það bara Vezzló. (m.t.t. latínu, þá)

Allir að kaupa rækjur!
Allir að mótmæla styttingu náms til stúdentsprófs!
Allir að kaupa rækjur!

fornfræðifyrirlestur

2005-11-06T02:20:00.000+01:00

Það eina sem þessi svo sem ágæti laugardagur hefur haft í för með sér er enn ein löngunin.
Löngunin í svona ótrúlega fallegar og heilbrigðar mjaðmir.

2005-11-02T23:47:00.000+01:00

Hoom, hm; hoom, hm, how did it go? Room tum, room tum, roomty toom tum.

2005-10-28T21:53:00.000+01:00

Veðrið hefur lítið sem ekkert farið í taugarnar á mér í dag.
Hins vegar fór það í taugarnar á mér þegar Þorsteinn J. sagði að það væri bullandi hríð.
Hver talar svona?

2005-10-26T00:30:00.000+01:00

Ég er þreytt og var að uppgötva að ég man ekki eftir að hafa horft á heila bíómynd eftir að ég byrjaði í skólanum (nema To Kill a Mockingbird, sem var í skólanum og var mjög góð). Ef einhver gæti leiðrétt mig yrði ég mjög ánægð. Ekki það að ég sé ekki ánægð. Ég held bara að þetta sé ekki heilbrigt fyrir nútíma ungling. Eða er ég kannski fullorðin og ætti ekkert að vera að röfla þetta?

Please Please Me

Which Beatles Album Are You?
brought to you by Quizilla

Já og ég klukka Gutta og Kömmu og Edduna mína og...og...tvær fyrstu manneskjurnar sem kommenta. Ég myndi klukka Arngunni en hún hefur verið klukkuð svo oft. Og þar hafiði það.

tilgangur lífsins

2005-10-19T23:53:00.000+01:00

Súkkulaði er kvöl. Ég er komin með munnangur í gegnum kinnina.
Stafsetning er kvöl. Það er engin lýgi.
Latínupróf eru kvöl. En samt ekkert það alversta.
Sjostakóvitjs, Scriabin, Mozart og Mahler eru hinsvegar bestir.
Kannski Stravinsky líka. Og Prokofiev. Ég verð að koma mér úr þessu Rússlandstransi.
Harðsperrur eru kvöl. Já.
Ruslumdrasl er kvöl. Ég kenni um illa innréttuðu herbergi með stórum glugga.
Airwaves er kvöl. Þegar maður er ekki á staðnum
Sigur Rós eru æði. Bæði á stað og ekki.
Myrkrið er kvöl. Það þrengir að. Sérstaklega undir Gullinbrú.
Súkkulaði er gott. Hvað sem munnangri líður.
Þetta tilgangslausa blaður var í boði Njáluferðar.

klukkan

2005-10-14T22:33:00.000+01:00

Ég var búin að gleyma því að ég var klukkuð og mundi það ekki fyrr en ég las bloggið hennar Ragnhildar.

1. Ég verð alltaf klökk þegar ég sé reyniber og reynitré. Sérstaklega þegar sólin skín í gegnum laufin. Þetta tré minnir mig svo mikið á barnæskuna á Kirkjuteignum og botnlangann í Safamýrinni sem ég gekk svo oft niður á leið í skólann.
2. Ég bít mig í handabakið þegar ég þarf virkilega að reyna á mig til að muna eitthvað. Það virkar sjaldnast og sem betur fer fara bitförin oftast eftir nokkra klukkutíma.
3. Þegar ég gleymi mér við að einbeita mér að píanóæfingum bít ég skinnið innan af neðri vörinni svo ég er oftast með sár einhversstaðar á henni innanverðri.
4. Ég þoli ekki gegnblautt morgukorn og borða það því eins hratt og ég get.
5. Ég lýg stundum til þess að stytta mál mitt. Ekki oft samt og lýgin skipti engu máli. Hún kemur bara í veg fyrir að ég þurfi að eyða tímanum í tilgangslausa útskýringu. Óþolandi ávani samt sem áður og hann getur komið aftan að manni.

kvaðan fæ jég kúlið?

2005-10-14T22:07:00.000+01:00

Systir mín er á "Stál og hnífur" skeiðinu og syngur ekki annað. Pabbi minn er á enn einu ítölsku skeiðinu og nú hljóma ítalskar leikjaþáttakvensur um allt húsið. Það kæmi mér ekki á óvart ef hann gæti talað reiprennandi ítölsku ef hann reyndi. Mamma mín var að uppgötva að henni finnst "King of Queens" skemmtilegur þáttur.
Fjölskyldan mín er ekki kúl en ég elska hana samt.

segstu

2005-10-03T22:45:00.000+01:00

Í gærkvöldi var ég send til að skila vídjóspólu sem systir mín hafði steingleymt að skila. Þar sem ég var orðin dauðþreytt eftir að hafa verið að læra undir grískupróf allan daginn, og átti slatta eftir, ákvað ég að kaupa mér PepsiMAX í leiðinni, svona til að halda mér vakandi. Ég kom síðan heim með PepsiMAX, byrjaði að læra og drakk það. PepsiMAXið virkaði, það má eiga það. En það virkaði bara ekki rétt. Eftir að ég var búin að drekka þennan svo sem ágæta drykk kom ég engu öðru í verk en að hreyfa annan fótinn óhugnalega hratt og búa til lag í hverju textinn samanstóð af "hemeteros, humeteros" með sænskum hreim. Eftir sirka korter af þessari heiladauðu iðju ákvað ég að koma mér bara í rúmið, þetta gengi ekki lengur. Það var samt ekkert betra. Ég kófsvitnaði, bylti mér í sífellu, hoppaði upp og fór á klósettið á nokkurra mínútna fresti.
Ég veit að boðskapurinn í þessari sögu er að drekka ekki PepsiMAX, en það lætur sér enginn segjast og síst af öllum ég.

smá skot inn í

2005-09-30T20:52:00.000+01:00

Þessi vika hefur verið frábær. Eins og allar vikur síðan ég byrjaði í skólanum. Í raun væri prógrammið fullkomið ef ekki væri fyrir heimanám. Mér hefur tekist að púsla vikunni fullkomnlega saman, fyrir utan heimanám. Það þýðir einfaldlega það að ég verð að nota helgar undir heimanám sem ég hef hingað til ekki gert.
Það er skrítið að þurfa allt í einu, bara sisvona, að velja og hafna. Áður hef ég alltaf fundið á mér hvað ég á að, þarf, langar og vil gera og ekkert þurft að hugsa meira um það. Nú finnst mér ég eiga, þurfa, langa og vilja gera allt. Það er gaman að gera allt, ó þvílík gleði og ánægja sem fylgir því að gera allt. En það drepur mann líka á endanum, þetta allt.

...til þess að auðvelda ykkur tilveruna.

2005-09-21T23:03:00.000+01:00

Í afmælisgjöf skal ég þiggja:
Hlýja og fallega vetrarkápu.
Hlý og falleg vetrarstígvél.
Allar bækur í heiminum nema bækur um íþróttir, sjálfshjálparbækur og "Queer Eye for a Straight Guy" bækur.
Alla tónlist í heiminum nema lélega tónlist.
Miða á alla sinfóníutónleika vetrarins.
Tímavél.
Eilífðarvél.
Falleg föt. Þau mega vera hlý líka. Eða ekki.
Ég myndi skrifa meira ef systir mín væri ekki alltaf að reka á eftir mér.
Skammið hana bara.

textinn við sönginn sem ég söng áðan.

2005-09-19T23:26:00.000+01:00

tralala.
af hverju var ég að fara í tölvuna?
ég á eftir að læra allt.
tralala.
klukkan er hálf ellefu.
tralala.
hvað ætti ég nú að gera í tölvunni?
tralala.
skoða blogg kannski.
tralala.
mér finnst gaman þegar fólk kommentar.
tralala.
lífið er alveg svo sem ágætt.
tralala.
tralalala.
tralalalala.

trop de gâtaux

2005-09-16T21:00:00.000+01:00

Mamma bauð Helga litla Frey að koma yfir og hafa huggulegt kvöld. Auðvitað var ég sett í það að horfa með honum á teiknimynd og auðvitað þurfti teiknimyndin að vera á ensku. Skúbídú varð fyrir valinu eins og svo oft áður en þessi var töluvert óhugnalegri en venjulega. Hvernig útskýrir maður vúdú-dúkkur, sértrúarsöfnuði og bölvun eilífs lífs fyrir sex ára barni?

ruglumbull

2005-09-09T16:57:00.000+01:00

Í gær sagði ég af mér sem utanríkisráðherra þegar mamma bað mig um að fara með nokkur herðatré niður í bílskúr. Í dag víkkaði mamma landamörkin og gerði mig að inninríkisráðherra. Núna verð ég að fara með herðatré niður í bílskúr. Maður getur ekki sagt af sér tvo daga í röð.

ódýr póstur

2005-09-07T22:19:00.000+01:00

Límorð:

ventus secundus.

Þetta andskotans, djöfulsins eilífðarslím
ætlar aldrei úr mér að fara.

Meum est propositum in taberna mori.

I'm a Barbie girl.

Sundrung.

Melatónín.

Sumu er einfaldlega ómögulegt að ná úr heilanum.

2005-09-01T00:32:00.000+01:00

Þegar ég les virkilega góða íslensku horfi ég á hana og skil ekki hvernig nokkuð getur verið svona fallegt.

þessari

2005-08-30T17:26:00.000+01:00

Ég gleymdi mér á þessari síðu í nánast einn og hálfan klukkutíma. En þá sá ég þessa mynd og vaknaði aftur til lífsins.

Ég mæli með þessari.
Þessari.
Og þessari.

2005-08-30T16:23:00.000+01:00

Hvar eru allir busastrákarnir?

en tois agrois

2005-08-25T23:45:00.000+01:00

Skólinn er góður þó ég sakni svolítið Kösu og Kakólands. Ég sakna hinsvegar ekkert dönsku eða tölvufræði. Gríska er frábær fyrir utan örfáar aukaverkanir. Til dæmis er ég farin að lesa "vaff" sem "enn" og "enn" sem "e" í texta skrifuðum með latnesku stafrófi. Ætli þetta sé ekki tímabundið. Ef ekki þarf ég að flytja til Grikklands og það langar mig ekki. Ég held ég gæti ekki höndlað fleiri viðkvæma Miðjarðarhafs sjarmöra, eins og Gutti orðar það. Þar fengi ég heldur ekki að læra latínu. Þeir eru eitthvað pirraðir út í Ítalina greyin. Einhvers konar þjóðernismikilmennska þar á ferð.

Grjót í haga

2005-08-23T00:21:00.000+01:00

Á morgun er fyrsti skóladagur samkvæmt stundarskrá. Ég veit hins vegar ekkert hvaða tímum ég er í á morgun af því að ég týndi stundarskránni. Satt best að segja er ég hugleysingi og hálfviti að eðlisfari. Hugleysingi að geta ekki barið ítalska menn frá Róm sjálf og hálfviti að ganga frá Austurvelli upp í Bóksölu Stúdenta og frá Bóksölu stúdenta að Lækjartorgi að algjörlega tilgangslausu. Þar að auki var ég þegar orðin of sein í vinnuna þegar ég lagði af stað í þetta ferðalag. Og var á hælum. Einhver hálfvitaleg fljótfærni býst ég við. Í vinnunni missti ég síðan sjóðandi vatn ofan á fótinn á mér, líka í hálfvitalegri fljótfærni. Hvaða heilviti sem er veit að maður nær ekki að vera búinn að loka klukkan hálf sjö með nýju stelpunni og því er ekki nauðsynlegt að þrífa kaffivélina hættulega hratt. Ég vann ekki í sinfóníuhappdrættinu. Þetta endaði samt allt vel í góðum mat heima hjá Kömmu með Gutta (og Kömmu líka). Eftir matinn horfðum við Kamma á Ég var einu sinni nörd eftir að minnsta kosti árshlé frá því ágæta uppistandi. Brandararnir aftur orðnir næstum jafn fyndnir og þeir voru fyrst. Jájá, á morgun verður betri dagur með blóm í haga.

2005-08-19T19:35:00.000+01:00

Næsta skólaár verður brillerí eða dauði. Og hananú.

2005-08-17T01:05:00.000+01:00

Ég skora á alla sem ég þekki að hlusta á Alexander Nevsky eftir Prokofiev, fá gæsahúð, finna kvikmyndina og horfa á hana með mér.
Sá sem verður fyrstur fær kúlu-súkk og seven-up.

Ég braut blað.

2005-08-14T00:32:00.000+01:00

Í dag skipti ég um ljósaperu í herberginu mínu. Ljósaperan hefur verið sprungin síðan fyrir jól. Því markar þessi atburður tímamót í lífi mínu. Nú ef til vill læt ég einhverntíman verða af einhverju.

2005-08-08T18:08:00.000+01:00

Hápunktur gærdagsins er að ég gerði þrjá loftbólulausa latté í röð. Foreldrar mínir flúðu borgina og skildu mig eftir með systur á gelgjuskeiðinu og bróður sem ætlar taka af mér bílinn. Quid rerum turpissimarum feci?

sögur af mat

2005-08-08T00:19:00.000+01:00

Í allt sumar hef ég verið að reyna að hemja át mitt í þessu bakaríi. Það gengur satt best að segja ömurlega. Þetta sumar toppar meira að segja síðasta sumar. Þá fór ég til Krítar og neitaði að drekka útlenska mjólk og borða útlenskar mjólkurvörur. Eins og gefur að skilja þurfti ég að fylla upp í ansi stóra gloppu og það var einfaldlega gert með sætindum eins og "freshy doughnuts".
Dagurinn í dag byrjaði svo sem ágætlega. Ég fékk mér heilnæman og hollan mat matarpásunni og lét þar við sitja. Um stund.
Dagurinn endaði síðan í áti á góða súkkulaðinu sem er notað í heita súkkulaðið, vanillurjóma, venjulegum rjóma, söru bernhards þaktri rjóma, súkkulaðiköku, gelinu sem er notað ofan á kökur, konfekti og meiri rjóma.
Maður þjáist, en einhver verður að gera það.

svæðisfréttir

2005-08-02T14:05:00.000+01:00

Ég hringdi niður á lögreglustöð áðan til þess að tilkynna týnt/stolið ökuskírteini. Ég er búin að fresta því að gera þetta í rúmlega viku vegna órökrétts kvíða. Það er eitthvað við þessa lögreglu. Áður en ég hringdi ímyndaði ég mér að nú yrði ég skömmuð. "Af hverju hringdirðu ekki fyrr? Veistu ekki hvað þetta er alvarlegt mál? Ertu fáviti? Helvítis hálfviti?"
Ég er nokkuð viss um að þessi hræðsla á sér rætur í umferðarskólanum. Fimm ára hélt ég því fram statt og stöðugt að það mætti alveg reiða fólk á bögglaberaranum. Lögregluþjónninn varð þá mjög reiður (að mér fannst) og sagði að það mætti bara alls ekki. Eftir það reiddi ég ekki einu sinni hvítu tuskukanínuna mína á bögglaberaranum.
En af símatalinu er það að segja að fyrst fékk ég símsvara sem sagði "Afsakið biðina, vinsamlegast bíðið." Því næst kom kona í símann gat ekki skilið að ég vildi nýtt ökuskírteini og tönnlaðist á því að skírteinið mitt væri ekki útrunnið fyrr en 2006. Í lokin kom hún því út úr sér að ég ætti að fara niður í Borgartún til að fá annað. Það var ekki erfiðara en það.

2005-07-27T02:48:00.000+01:00

Þar sem það var frekar lítið að gera í vinnunni í dag ákvað ég að setja öll hnífapörin í "dip-it" til að hreinsa allt fasta ógeðið af þeim. Ég eyddi því meiri tíma en venjulega í uppvaskinu og það gaf mér meiri tíma til að hugsa. Það er mjög gott að syngja eða hugsa við uppvask. Uppvask er hugsunar- og söngvænt. Allavega.
Hér eru nokkrar minningar sem vekja heitar væmnistilfinnigar í maganum:

Leggjarbrjótur, sérstaklega að týnast í skóginum með Eddu.

Partur úr allegro kaflanum úr konsert fyrir tvær fiðlur eftir Bach. Ég hlustaði á hann að minnsta kosti fimmtíu sinnum í jólaprófunum og tók alltaf andköf ómeðvitað.

Nætursund í Kópavogslauginni.

Þegar Páll Óskar spilaði "Don't Stop Me Now" á söngballinu rétt eftir atriðið okkar.

Stelpnakvöldið síðasta kvöldið í Danmörku.

Þegar hálfur kórinn bauðst til að hjálpa mér með stærðfræðina eftir að ég féll.

Þegar ég átti afmæli í árshátíðarvikunni þar sem þemað var afmæli :)

Síðan skipulagði ég aðeins framtíðina. Ef ég giftist verður brúkaupstertan súkkulaðimúss með mangópassion fyllingu frá Café Kondtori Copenhagen.

Nú fer ég á Vestfirði. Bless.

2005-07-18T12:40:00.000+01:00

Þegar unnið er við afgreiðslustörf talar maður oft við marga tugi manns á dag. Oftast er þetta bara smávegis kurteisishjal en stundum kemur fólk á óvart um leið og það opnar munninn. Flestir gleymast eftir smá stund, jafnvel þeir skemmtilegu, en nokkrir sitja þó eftir í minninu. Til dæmis lítill drengur sem kom í bakaríið í Spönginni. Það tók hann undarlega langan tíma að koma því út úr sér að hann ætlaði að kaupa hálft þriggjakornabrauð. Það var ekki fyrr en eftir á sem það rann fyrir mér að hann horfði allan tímann á sérbakað vínarbrauð með vanillukremi, sem kostar það sama og hálft þriggjakornabrauð.
Annað dæmi er gamall heyrnarlaus maður og lítill drengur sem komu í Kringluna. Gamli maðurinn, sem ég giska á að hafi verið afi drengsins, var mjög ókurteis og pirraður og æstist allur upp þegar ég skildi hann ekki. Þegar hann fór að kvarta undan verðinu varð ég óþarflega hrædd við hann og stífnaði öll upp. Litli drengurinn hins vegar, sem getur ekki hafa verið meira en tíu ára gamall, var alveg sallarólegur. Hann róaði afa sinn niður, talaði hægt og skýrt svo hægt var að lesa af vörum hans hvað hann var að segja og þegar búið var að borga leiddi hann manninn til sætis og kom svo aftur til að ná í bakkelsið. Ég hugsaði lengi eftir á um þessa tvo. Það snerti mig hvað drengurinn var þroskaður á sama tíma og ég var ráðalaus. Meira hugsaði ég þó um augnaráð gamla mannsins sem ég hafði áður tekið sem reiði en eftir á fannst mér það vera meira eins og ráðaleysi gagnvart heimi sem hann skildi ekki og heimi sem skildi ekki hann.

Útile(i)ga

2005-07-09T14:39:00.000+01:00

Það er dásamlegt að sitja í rigningarúða með vinum sínum, horfa á Hvalfjörðinn, hlusta á Leonard Cohen og grilla pylsur á einnota grilli. Það er líka fyndið að byrja ferðina með því að bakka á bíl og það er virkilega ógeðslegt að borða Oste Pop.

2005-07-03T16:45:00.000+01:00

Allt í lagi, þá.
Haltu þínu striki og ég held mínu.
Svoleiðis mun það vera, um aldur og ævi.
Mannkynið mun ekki bæta sig, fá tíu í sögu,
af því að þú hélst þínu striki og ég mínu.

Banchi e Arredi B.A.R.

2005-06-30T14:30:00.000+01:00

Kamma kemur heim í dag. Ég reyndi að fá einhvern til að vinna í staðinn fyrir mig til að ég kæmist út á flugvöll en allt kom fyrir ekki. Vegna mikils þrýstings frá Eddu reyndi ég líka að fá leyfi til að loka fyrr en það gekk heldur ekki upp. Ég má víst ekki missa af manninum sem kemur og kaupir af mér Freska á 195 krónur af því að hann vorkennir mér. Allavega. Ég ákvað þrátt fyrir vonbrigðin að halda upp á daginn og fékk mér kók á 195 krónur og borðaði tvö croissant með skinkumyrju í röð. Núna ætla ég að læðast aftan að safnverðinum og rífa Morgunblaðið af honum.

2005-06-29T14:04:00.000+01:00

Hafnarborg er eilífðin

blóðgulrót

2005-06-20T19:20:00.000+01:00

haha. Nágrannakona mín situr úti á göngustígnum hér fyrir utan og er að reyna að kenna hundskröttunum sínum kúnstir fyrir einhverja keppni. Ég vona að þessi klekköðö kvikende sem hafa vakið mig upp frá værum blundi marga sunnudagsmorgna vinni ekkert. Ég vona að allar æfingarnar verði til einskis. Það væri gott á þá.

Félag fágaðra mæðra, fylktist niður að sjó

2005-06-20T00:35:00.000+01:00

Það var mjög heitt í vinnunni í dag þannig að ég settist inn í kæli og fékk mér hrísköku og mjólk. Edda fíflaðist eins og venjulega og eins og venjulega lak kaffivélin og ég þurfti að leggjast á fjórar og sleikja það upp. Ég bætti smá mjólk við úr fötunni fyrir afgangs mjólk og svo krukku af súkkulaðispænum. Það var samt ekkert sérstaklega gott. Það var kaffikorgur í því og svona. Korkur kannski?
Umíhum. En í alvöru talað, þessi kaffivél lekur bara þegar ég þarf að þrífa hana.
Þá vitið þið það. Það er ekkert meira. Í alvöru.

2005-06-15T18:32:00.000+01:00

Stundum er bara ekki hægt að blogga, því lífið er svo gott.

tíðindalítið, tíðindalaust

2005-06-12T14:45:00.000+01:00

Núna er ég að skrifa á þráðlaust lyklaborð. Ég er stödd nokkrum metrum frá tölvunni en samt er ég að skrifa á hana. Merkilegt alveg hreint.
Þessi dagur hefur hingað til verið ágætur. Til dæmis enduruppgötvaði ég gildi kennara þegar ég reyndi að læra grísku bara með bókinni einni. Það er svo sem hægt en það er ekkert sérlega auðvelt. Ég fletti í gegnum DV á tveimur mínútum og sprautaði fjalli af rjóma á diskinn hjá frekar...þybbinni lítilli stúlku.
Hafnarborg er alveg ágæt. Ef enginn kaupir Napóleonshattinn fyrir 3 ætla ég að borða hann.

tilkynning

2005-06-06T12:56:00.000+01:00

Þetta var örugglega skemmtilegasta Kaupmannahafnarferð sem ég hef farið í. Hún er líka mjög ofarlega í lista mínum yfir skemmtilegustu ferðir allra tíma.
Hins vegar var flugferðin heim og klukkutímarnir eftir ekki þeir skemmtilegustu en það endaði samt sem áður allt vel. Eftir svita, blóð, tár, hor og fleira er ég búin að ná stærðfræðiprófinu. (ég er 98% viss)
Nú ætla ég að taka til í herberginu mínu sem er búið að vera á hvolfi síðan í apríl.

við erum Sigurrós, alltaf stuði í...

2005-05-30T23:34:00.000+01:00

Í dag kom ég heim að leita mér að kvöldmat. Ég hringsólaði lengi vel um eldhúsið í leit að einhverju ætilegu og borðaði gulrætur og drakk mjólk á meðan. Ég fann ekki neitt því ég er komin með leið á brauði og unnum kjötvörum og mér finnst 10-11 salat, sem er búið að vera inn í ísskáp og pabbi minn hefur valið, vont. Ég er ennþá leið á núðlusúpu síðan úr grunnskóla og glætan að ég fari að steikja egg. Ég mundi borða eplið sem er inni í ísskáp en mér er illt í kjálkunum eftir allt gulrótaátið. Ég gæti skroppið út í sjoppu en ég er leið á ruslfæði. Innilega, innilega leið á ruslfæði. Eina manneskjan sem kann að elda almennilegan mat á heimilinu hefur ekki tíma því hún þarf að þvo af mér þvottinn. Ég vil húshjálp, takk.

Stærðfræði er áhugaverð.

2005-05-28T23:32:00.000+01:00

Í dag kreisti ég heimsins elstu og ógeðslegustu stálull.
Í dag snýtti ég mér í heila klósettrúllu.
Í dag las ég þetta um 150 sinnum:

Cyrus took Adam to walk with him one late afternoon, and the black conclusions of all his study and his thinking came out and flowed with a kind of thick terror over his son. He said, "I'll have you know that a soldier is the most holy of all humans because he is the most tested - most tested of all. I'll try to tell you. Look now - in all of history men have been taught that killing men is an evil thing not to be countenanced. Any man who kills must be destroyed because this is a great sin, maybe the worst sin we know. And then we take a soldier and put murder in his hands and we say to him, 'Use it well, use it wisely.' We put no checks on him. Go out and kill as many of a certain kind of classification of your brothers as you can. And we will reward you for it because it is a violation of your early training."
Adam wet his dry lips and tried to ask and failed and tried again. "Why do they have to do it?" he said. "Why is it?"
Cyrus was deeply moved and he spoke as he had never spoken before. "I don't know," he said. "I've studied and maybe learned how things are, but I'm not even close to why they are.

nei vinur, þitt kyn er búið með kvótann.

2005-05-23T00:55:00.000+01:00

Í fréttum er það að ég var að vinna um helgina uppi í Egilshöll við að selja Samfylkingarmönnum kaffi og bakkelsi á uppsprengdu verði. Allt er þetta liður í áætluninni. Ég hef hugsað mér að bæði gera þá gjaldþrota og of feita. Það gekk alveg hreint ágætlega og mér tókst að lokka þá flest alla til mín. Nokkrir sáu þó við mér, meðal annars Sigrún Gröndal, gamli píanókennarinn minn. Ég hafði hugsað mér að heilsa henni og minna hana á mig þegar hún kæmi nú og keypti af mér kaffitjöru á 150 krónur. Hún kom aldrei. Ég sveikst undan vinnu og kom mér út klukkan hálf fjögur, niðurbrotin.

örþrifaráð

2005-05-20T22:22:00.000+01:00

ég elska elska elska elska elska:

sumarbústaði
heita potta
the smiths
ronju ræningjadóttur
muse
gunnarskleinuhringi
2. sinfóníu mahlers
sumarið
línuskauta
tennis
nesti
gönguferðir
hesta
cantus in memoriam benjamin britten
serge gainsbourg
jóakim aðalönd
hvalfjörð
sjóinn
gönguferðir
öxney
skeiðháholt
föt
og
vini mína

TÁP OG FJÖR OG FRÍSKIR MENN!

2005-05-19T16:37:00.000+01:00

AF TILEFNI PRÓFLOKA ER CAPSLOCK DAGURINN Í DAG!
GLEÐILEGAN CAPSLOCK DAG!
NÚ ÆTLA ÉG AÐ FARA AÐ KLIPPA NEGLURNAR SEM ÉG SAFNAÐI YFIR PRÓFIN. ÉG HEF ALDREI VERIÐ MEÐ SVONA LANGAR NEGLUR Á ÆVINNI. JÁ. ÉG ÆTLA AÐ KLIPPA ÞÆR OG GEYMA ÞÆR TIL MINNINGAR UM AÐ VERSTU PRÓFATÖRN LÍFS MÍNS ER LOKIÐ. JÁ!

Línuskautaferð

2005-05-15T20:08:00.000+01:00

Hahahaha.
Ég lít út eins og fóstur.
Ofnæmi eru fyndin. Sum allavega.

hvers kyns eru þessi orð?

2005-05-14T21:22:00.000+01:00

Í dag lagðist ég þann litla hluta rúmsins míns sem ekki var þakinn líffræði eða latínublöðum og hlustaði á Giovanni tæla Zerlínu og dauðar sálir marsera. Á eftir ætla ég í bíó.

Supernachos

2005-05-13T23:52:00.000+01:00

Mánuðurinn góa
Sælgætisgerðin Góa
Góa, fyrsti verslunarstaðurinn sem Portúgalir komu á fót á Indlandi.

fleiri góur?
ha?
gaman?

Martin Luther King

2005-05-08T23:32:00.000+01:00

desolate - auður

riches - auður

sitthvor orðflokkurinn...en samt

The Da Vinci Code II

2005-05-03T21:09:00.000+01:00

Einu sinni var bókhlaða sem allir heimsóttu reglulega. Hún var rauð og falleg og fólk kom hvaðanæva að til að dást að henni. Þeir sem þar inni höfðu verið voru flestir ánægðir og hamingjusamir. Þeir voru hamingjusamir því þeir höfðu sé bækurnar og bækur eru hamingja.
En árin liðu og brátt kom að því að loka þurfti bókhlöðunni. Múgurinn varð auðvitað ævur og spurði:"Hvað á þetta að þýða góða og fallega ríkisstjórn, er þetta ekki bókasafnið okkar, borgum við ekki fyrir það?" Góða og fallega ríkisstjórnin svaraði auðvitað ekki, af hverju ætti hún að gera það? Það er ekki inni í verkahring hins mikilfenglega að gera því um líkt. Hið mikilfenglega á að hugsa.
Borgarbúar sem uppi voru þegar bókhlöðunni var lokað komust aldrei að hinu sanna. Það var ekki fyrr en mörgum árum seinna þegar erlendur rannsóknarmaður kom hingað til lands í þeim tilgangi að rannsaka pýranafiska að málin fóru að skýrast.

Ég er ekki ráðvillt vélasamstæða

2005-04-28T00:11:00.000+01:00

Æji fjandinn má naga þessi próf eins og hann nagar Júdas.
Ég ætlaði í tölvubann til að einbeita mér að prófunum. Það gekk líka ágætlega þangað til ég var sett í það verkefni að skrá mig rafrænt í tónlistarskóla. Það er allt á móti mér. Ég er líka orðin hundleið á þessu ljóði sem engin virðist fatta og tek til greina allar tillögur um titlaþema.
Titlaþema er hlægilegt orð.

Einnig langar mig að blása lífi í athugasemdakerfið og stofna til rökræðna. Umræðuefnið er: Var Arinbjörn kóngasleikja or what?

Mais voilà l’oiseau-lyre

2005-04-25T00:56:00.000+01:00

Bless í bili kæra blogg, sjáumst eftir prófin.

huit et huit font seize.

2005-04-24T16:13:00.000+01:00

Ég fór út að hlaupa í dag sem er ekki frásögurfærandi nema fyrir það að þegar ég hljóp eftir malarstíg við Grafarvoginn stökk fuglaskoðari upp úr kjarinu með myndavélarferlíki um hálsinn. Mér brá svo að ég datt og hentist niður brekkuna langleiðina að sjónum. Skemmtileg tilbreyting á sunnudegi, verð ég að segja.

quatre et quatre huit

2005-04-24T14:34:00.000+01:00

oh ohhohohoho. ég hlakka svo til

deux et deux quatre

2005-04-20T22:16:00.000+01:00

nú. núna. Nú sit ég við tölvu móður minnar sem er staðsett að Ármúla eytt. Það jákvæða sem gerðist í dag var að það var sól og það var gaman að horfa á 6. bekkinga dimmitera. En það var líka ósköp sorglegt. Það neikvæða er að mér hefur ekki enn tekist að skrifa skáldsögu á þetta blogg ennþá. Ég geri það samt einhverntíman. Ég er frestmeistarinn. Ég fresta, en ég geri. Eitt sem ég hef frestað í mörg, mörg ár að gera er kakkafónía. Ég ætti ef til vill að fara að einbeita mér að því. Frekar en prófunum. Jájá.

Répétez! dit le maître.

2005-04-16T00:40:00.000+01:00

Grímuballið var skemmtilegt. Sérstaklega fyrir, í Sigrúnarpartíi og eftir í Selectpartíi. Það eina sem setti blett á kvöldið var að mér tókst að týna 16 ára gamalli rússa húfu föður míns. Dagurinn eftir var því ekkert sérstaklega spennandi. Ég eyddi dágóðum tíma af lífi mínu í að þræða Vesturbæinn og hluta Kópavogs í leit að þessari húfu/hatti, ég hef aldrei komist að því hvort þetta er. Pabbi var ekkert sár eða reiður en hann langaði samt sem áður að reyna að finna húfuna/hattinn aftur. Það er svo sem ekkert skrítið. Þessi húfa hefur gegnum árin orðið einhvers konar einkenni hans, eitthvað sem fylgir honum alltaf líkt og uglan Aþenu.

Í gær, fimmtudag, fór ég á hátíðartónleika MR sem voru dásamlegir. Það var frábært hvað fjölbreytnin var mikil og hæfileikarnir einnig. Þvílík tónlistargáfa sem þetta fólk hefur. Ég þakka fyrir mig.
Eftir tónleikana var mér boðið inn í Tónlistarskólann í Reykjavík en þangað inn hef ég aldrei stigið fæti áður. Áhugavert, verð ég að segja. Hmm.

huit et huit font seize

2005-04-14T23:09:00.000+01:00

Hlutir sem ég sé eftir að hafa ekki gert í vetur:

Keyrt út fyrir bæinn í heiðskýru frostveðri og horf á alvöru norðuljós.
Festst í snjóskafli
Komið upp eðlilegum svefnvenjum.
Lært rússnesku.
Búið til stuttmynd.
Borðað bragðaref.
Prófað skammdegisþunglyndi.
Lært óreglulegar danskar sagnir.
Keypt Nilfisk ryksugupoka.
og fleira og fleira.

Hlutir sem ég er ánægð með að hafa ekki gert í vetur:

Farið í brjóstastækkun.
Orðið tölvufíkill.
Dansað magadans.
Borðað eggaldin.
Keyrt á. (alvarlega)
Sleikt búðarborð.
Farið í Monopoly.
og fleira og meira.

Nilfisk ryksugupokar.

quatre et quatre huit

2005-04-11T01:13:00.000+01:00

Eftir bæði miklar vanga- og bílveltur hef ég komist að þeirri niðurstöðu að You Only Live Twice er besta Bondlagið.

deux et deux quatre

2005-04-08T21:08:00.000+01:00

Ein af góðum uppgötvunum dagsins er að ég gæti klárað Tjarnarhringinn á helmingi styttri tíma ef ég hefði eitthvað gult á hjólum fyrir augunum allan tíman.
Ein af vondu uppgötvunum dagsins er að ég hugsa alveg óskaplega hægt. Það er vonandi hægt að laga það með einhverju gulu á hjólum. Ég ætla allavega að reyna.
Ein af góðum enduruppgötvunum dagsins er að jógúrtís er góður.
Ein af vondu enduruppgötvunum dagsins er að ég hef ekki vanið mig af því að bíða með allt fram á síðustu stundu og er því að gera frönskuverkefni klukkan 20:20 á föstudagskvöldi.
Besta uppgötvun gærdagsins er að Frakkland er enn æðislegra en ég hélt.
Það var engin versta uppgötvun gærdagsins.
Líf mitt er svo gott að það jaðrar við að vera sorglegt.